Kataloniyaning "Barselona" klubi rahbariyati "Lion"ning hujumkor yarimhimoyachisi Memfis Depay bilan qiziqmoqda.

Don Balonning yozishicha, "ko'k-anorranglilar" 26 yoshli gollandiyalik pleymeykerning o'yinidan qoniqmoqda. Depayning amaldagi shartnomasi kelasi yozda tugaydi. Ta'kidlanishicha, Kataloniya klubi rahbarlari allaqachon "Lion" rahbariyati bilan bog'lanishgan va Depayni 35 million evroga sotib olishlari mumkin.

Hujumda har qanday pozitsiyada o'ynay oladigan Depay Lautaro Martines o'rniga yaxshi nomzod. Ma'lumot uchun, Martines uchun "Inter" "Barca"dan 111 million evro talab qiladi.