Ispaniya chempionati qayta davom ettirilganidan keyin "Barselona" o'zgacha taktikada o'ynay boshlashi mumkin. Seten boshchiligidagi murabbiylar shtabi jamoaning so'nggi 12ta o'yinini tahlil qilib chiqdi. Mutaxassis o'zining sevimli 3-1-4-2 taktik sxemasini joriy qilmoqchi. Kike markazda 5 nafar yarim himoyachi orqali to'pni yaxshi nazorat qilish hamda hujumkor futbolni joriy qilish evaziga butun o'yin davomida himoyaga tushadigan bosimni kamaytirmoqchi. Luis Suaresning safga qaytishi esa Lionel Messining mushkulini oson qiladi. Urugvaylik o'yinchining maydonga qaytganidan keyin murabbiy Antuan Grizmannga mos pozitsiya topishiga to'g'ri keladi.