Argentina terma jamoasi bosh murabbiyi Lionel Skaloni "Cadena SER" bilan kechgan intervyu chogʻida boshqa mavzular qatori "Barselona"ning eng qaynoq transfer maqsadi - Lautaro Martines haqida oʻz fikrlarini bildirib oʻtdi.

Skaloni oʻz hamyurtini Luis Suares bilan quyidagicha taqqosladi:

"U Luis Suaresga o'xshab ketadi va uni koʻpchilik o'z jamoasida bo'lishini istaydi. Lautaro - ayni paytdagi trend hujumchi. U yosh va muvaffaqiyatga intilmoqda. Uning yoshligi va iqtidori muvaffaqqiyatining asosiy sababi.

Lautaro "Barselona"ning yozgi transfer maqsadlari ro'yxatida birinchi bo'lib turibdi. U yoshi oʻtib borayotgan Luis Suaresning o'rnini bosa oladigan asosiy nomzod deya eʻtirof etilmoqda.

Aytgancha, shu oʻrinda Suaresning oʻzi ham yosh Lautaroni maqtab oʻtganini eslash oʻrinli. O'tgan oyda urugvaylik oʻyinchi "MD"ga bergan intervyusida shunday degan dedi: "Lautaro - Italiyada ancha oʻsayotgan oʻyinchilardan biri. U oʻzining ajoyib harakatlari bilan ajralib turadi”, - deb yakunlagan edi urugvaylik oʻz soʻzini.