Kike Setien "BeIN Sports" nashri bilan bo'lib o'tgan intervyuda Luis Suaresning tiklanishi borasida o'z fikrlarini bildirib o'tdi.

Hujumchi hali yuz foiz sport formasini tiklashga ulgurmagan bo'lsa ham, murabbiy uni "La Liga"ning iyun o'rtalaridagi o'yinlariga qo'shilib ketishiga umid qilmoqda.

"U hali to'liq sog'ayib ulgurmadi", deydi Setien. - "U ayni paytda guruh bilan ishlayapti, jamoadoshlari bilan deyarli birga ishlamoqda, ammo unga hozir eng muhimi jismoniy tayyorgarlik va ruhiy ishonch.

Uning butkul sog'ayishiga qancha vaqt ketishini aniq bilmayman, lekin o'yinlar boshlangach tez orada uni maydonda ko'rishdan umidvormiz. Balki bu ish bir oyga ham bormas", -deb yakunlaydi so'zini Setien.