La Liga koronavirus pandemiyasi tufayli to‘xtatilgan mavsumni davom ettirishiga tayyorgarlik ko‘rmoqda. Ayni paytda tashkiliy masalalar hal qilinyapti.

Jumladan, La Liga rahbariyati o‘yinlarni TV orqali translyatsiya qilish paytida muxlislar shovqini yozilgan audiodan foydalanishni rejalashtirmoqda. Tashkilotchilar fikriga ko‘ra, bu bo‘m-bo‘sh stadionlardagi muhitning yaxshiroq aks ettirilishiga sabab bo‘ladi.

«Biz juda qiyin bo‘lsa-da, bo‘shliqni to‘ldirishga harakat qilamiz. Stadionlar muxlislarning qo‘llab-quvvatlashiga muhtoj. Biz avvalgi o‘yinlarda yozib olingan shovqinlar audiosidan foydalanamiz», - dedi Mediapro kompaniyasi rahbari Xaume Roures.

Avvalroq La Liga o‘yinlari 12 iyun kunidan boshlab davom ettirilishi haqida xabarlar tarqalgan edi.

Manbaa: tribuna.uz