«Barselona» bosh murabbiyi Kike Seten beshta o'yinchi almashtirish qoidasi klubga salbiy ta'sir ko'rsatishini aytib o'tdi.«O'ylashimcha, beshta o'yinchi almashtirish qoidasi bizga zarar keltiradi. Chunki biz ko'p o'yinlar taqdirini so'nggi daqiqalarda hal qilganmiz. Endi esa raqib jamoa safida kuchga to'la futbolchilar ko'proq bo'ladi.Mavsum qayta boshlanganidan keyin taqvim tig'iz bo'ladi. Bundan tashqari issiq havo o'yinga ta'sir ko'rsatishi va jarohatlarning ko'payishiga olib kelishi mumkin. Umid qilaman, bunday vaziyat kutilganidan kamroq yuz beradi.Ehtimol, Germaniyadagidek jarohatlar ko'payar. Chunki futbolchilar ikki oy futbol o'ynashmadi», – dedi Seten.