"Barselona" sardori Lionel Messining fikricha, koronavirus pandemiyasi bundan keyingi hayot va futbolni umrbod o'zgartiradi."Ko'pchilik bundan keyin dunyo qanday bo'lishini tushunmayapti. Pandemiya birdan yuzaga kelgani uchun hamma qiyin ahvolga tushib qoldi. Ayniqsa, bunday sharoitda o'z yaqinlarini yo'qotganlarga qiyin bo'ldi. Hattoki vafot etganlar bilan normal xayrlashishning imkoni bo'lmadi. Bu juda adolatsizlik. O'ylashimcha, endi futbol avvalgidek bo'lmaydi. Bundan tashqari, butun dunyo o'zgaradi. Endi hayot ham boshqacha bo'ladi", - dedi Messi.