«Barselona» darvozaboni Mark-Andre ter Shtegen klub bilan yangi shartnoma bo'yicha muzokaralar haqida o'z fikrini bildirib o'tdi. Eslatib o'tamiz, germaniyalik posbonning "ko'k-anorranglilar" bilan shartnomasi 2022 yilning yoziga qadar tuzilgan.«Mazkur yozda «Barselona»dan ketmayman. Mening agentim va klub o'rtasida yangi shartnoma borasida dastlabki uchrashuv bo'lib o'tdi. Keyin esa koronavirus bilan bog'liq muammolar boshlandi. Shuning uchun muzokaralar to'xtab qoldi. Insonlar o'z hayoti uchun kurashayotgan paytda biz yangi shartnomani muhokama qilmaslikka qaror qildik. Lekin o'zimni Barselonada yaxshi his qilyapman. Chunki bu er oilam uchun ham qulay», — dedi ter Shtegena "Kicker" nashriga bergan intervyusida.