«Inter» va «Real» klublari sobiq futbolchisi Uesli Sneyder "neradzurri" hujumchisi Lautaro Martinesga «Barselona»ga o'tmaslikni maslahat berdi. «Lautaro ajoyib o'yinchi, lekin, o'ylashimcha, u Italiyada qolishi kerak. U jahonning eng yaxshi futbolchilaridan biriga aylanishi mumkin, ammo dastlab u "Inter" safida qandaydir sovrinni qo'lga kiritishi kerak.Tushunaman, u "Barselona" safiga o'tib, oldinga qadam tashlamoqchi, ammo buning uchun munosib vaqt bo'ladi. Agar Lautaro haqiqat ham «Inter»ni tark etmoqchi bo'lsa, men unga «Real Madrid»ni maslahat bergan bo'lardim», — dedi Sneyder.