Hozirda "Bavariya"da ijara asosida o'ynayotgan "Barselona" hujumchisi Filippe Koutino "Liverpul"ga qaytishi mumkin.
Xabarlarga ko'ra, forvard "Liverpul" bosh murabbiyi Yurgen Kloppga qo'ng'iroq qilgan va klubga qaytish uchun maoshining kamayishiga ham rozi ekanligini aytgan.

Oldinroq, "Barselona" rahbariyati yaqin transferlar oynasida Koutino bilan xayrlashishni xohlayotgani haqida xabarlar yangragan edi.

Eslatib o'tamiz, Koutino 2013-2018 yillar davomida "Barselona"ga o'tishidan oldin "Liverpul" sharafini himoya qilgan.

27 yoshli braziliyalik xavbek joriy mavsum Germaniya chempionati doirasidagi 22ta o'yinda maydonga tushib, 8ta gol va 6ta assist qayd etdi. Uning klub bilan tuzgan shartnomasi 2023 yilning yoziga qadar mo'ljallangan.