Sud «Barselona» klubi va jamoaning sobiq hujumchisi Neymar o'rtasidagi mojaro yuzasidan qaror chiqardi. Braziliyalik futbolchi "ko'k-anorranglilar" bilan shartnomani uzaytirgani uchun klubdan 43,6 mln evro miqdorida ko'zda tutilgan mukofot pulini talab qildi. U "PSJ"ga o'tib ketgani uchun kataloniyaliklar bu pulni to'lashdan bosh tortib, aksincha Neymardan 6,7 mln evro pul talab qilishdi. Sud "Barsa"ning da'vosini qondirish haqida qaror qabul qildi. «Futbolchining vakili ushbu qaror yuzasidan shikoyat kiritish huquqiga ega, klub esa o'z manfaatlarini himoya qilishda davom etadi», — deyiladi klub tarqatgan bayonotda.