"Barselona" afsonasi Rivaldo Leonel Messining “Barsa”nit ark etishi mumkinligi haqidagi mish-mishlar rost bo’lishi mumkinligi haqida gapirdi. Shuningdek, u agentlar bo’layotgan jarayonlarni kuzatib Messi va Ronalduni bir jamoada o’ynatishni orzu qilayotganini aytdi.
-“Shartnomasida yana bir yil qolganida Messining ketishi haqidagi mish-mishlar rost bo'lishi mumkin. Ammo har doim aytganimdek, u o'z faoliyatini" Barselona "da yakunlashiga ishonaman. Baribir agar u ketsa, men uni boshqa Yevropa klublarida o'ynashini tasavvur qila olmayman.”
-“Agar klubni tark etishni o'ylayotgan bo'lsa, unda “Barselona” kiyinish xonasida ba’zi narsalar yaxshi emasligidan dalolat, balkim so'nggi bir necha oy ichida klubni o'rab turgan doimiy muammolardan charchagandir.”
Leo Messi kelasi yili “Barselona” ni tark etishga tayyor ekanligi haqida xabarlar paydo bo'lgach, futbol mutaxassislari argentinalikni karerasini aynan qayerda tugatishi haqida o'ylashmoqda.
Masalan, Rivaldo Messi "Yuventus" da o'zining “azliy raqibi” Krishtianu Ronaldu bilan o’ynashi mumkinligi haqida dadil gapirdi.
-“Ushbu taxminlarni hisobga olgan holda, ba'zi agentlar allaqachon "Yuventus"dagi Messi-Ronaldu tandemi haqida reja tuzmoqda va bu amalga oshadigan bo’lsa, butun dunyo bo'ylab qanchalik sensasiya bo’lishini tasvvur qilaman. Men ishonamanki, "Yuventus" argentinalikga har qanday mablag’ni investitsiyalar va marketing keskin o'sishi evaziga zudlik bilan to’laydi.
-"Ikkisining ham birga o'ynashini ko'rish tarixiy bo'lardi. So'nggi 10 yil ichida dunyoning eng yaxshi ikki o'yinchisi bitta klubda to'p surishi juda katta sensasyi bo’lardi."
Rostini aytadigan bo’lsak, Messi va Ronaldu bir jamoada o'ynashini tasavvur qilish qiyin.

Manba: Betfair