«Nike» kompaniyasi «Barselona» klubining uy o'yinlari uchun mo'ljallangan formasini savdodadan qaytarib olgan edi. Chunki, forma sifatsiz ishlab chiqarilgan bo'lib, u yuvilganda oqarib ketishi ma'lum bo'lgan edi. "Barselona" do'konlarida ikki xil sifatdagi futbolka savdoga chiqarilgan bo'lib, qimmat formada muammo yo'q. Ammo arzon futbolkada muammo yuzaga keldi. «Nike» esa ikkinchi toifa formalarni klub do'koniga hali etkazib bermadi. «Barsa» esa ehtimoliy zararni hisob-kitob qilib, prezident Jozep Bartomeu boshchiligida «Nike»ga shikoyat yo'lladi ham ko'rilgan zararni qoplab berishni so'radi. Agar AQSh kompaniyasi zararni qoplashdan bosh tortsa, ish sudga oshishi mumkin.