«Barselona» direktori Mateu Alemani «Los-Anjeles Gelaksi» himoyachisi Xulian Arauxoning amalga oshmagan transferi haqida fikr bildirdi.

Avvalroq kataloniyaliklar 21 yoshli himoyachini 4 million evro evaziga xarid qilishga rozi bo'lgani haqida xabar berilgandi. Futbolchi bilan 2026 yilning iyunigacha shartnoma imzolanishi kerak.

«Tizim xatosi tufayli uni o'z vaqtida ro'yxatdan o'tkaza olmadik, atigi 18 soniyaga kechikdik. Keling, FIFA nima deyishini ko'ramiz», - deya Alemanidan iqtibos keltiradi Marca.

O'tgan mavsumda Arauxo 31 ta o'yinda maydonga tushib, 1 ta gol urdi va 5 ta golli uzatmani amalga oshirdi.