"Barselona" bosh murabbiyi Xavi "Vilyarreal" yarim himoyachisi Aleks Baenani (suratda o'ngda) sotib olishiga qiziqmoqda. Bu haqda Mundo Deportivo xabar bermoqda.

Manba bergan xabarga ko'ra, Xavi 22 yoshli yarim himoyachining to'p uzatish qobiliyati va texnikasiga yuqori baho beradi. So'nggi paytlarda mushaklaridan tez-tez jaroxatlanib yurgan Pedrining ish yukini kamaytirish maqsadida xarid "ko'k-anorranglilar" bosh murabbiyi uchun zarur.

Eslatib o'tamiz, bu mavsumda Baena La Liganing to'rtta o'yinida qatnashib, bitta gol va ikkita golli uzatmaga mualliflik qilgan. O'tgan Ispaniya chempionatida futbolchi 35 o'yinda maydonga tushgan (6 gol va ikkita golli uzatma). Transfermarkt portalida berilgan ma'lumotlarga ko'ra, futbolchining bozor qiymati 20 million evroni tashkil qiladi.