Le Parisien nashrining tarqatgan ma'lumotiga qaraganda, Frantsiyaning "Lion" klubi futbolchisi Memfis Depay "PSJ" klubiga ko'chib o'tishi mumkin.

26 yoshli niderlandiyalik futbolchining yanvar oyida Parijga ko'chib o'tishi kutilmoqda. Xabarda aytilishicha, «PSJ» etakchilari - Neymar va Kilian Mbappelar jamoa tarkibida raqobat ko'rsatish uchun Depaydek futbolchi kelishiga qarshi emas.

Joriy mavsum Memfis Depay «Lion» tarkibida 13 ta o'yin o'tkazdi va 6 ta gol kiritib, 4 ta golga assistentlik qildi.

Avvalroq, Depayni Kataloniyaning "Barselona" klubi o'z safiga qo'shib olish uchun faol harakat qilayotgani haqida xabarlar tarqalgandi.