Kataloniyaning "Barselona" klubi bosh murabbiyi Ronald Kuman "Levante" ustidan qozonilgan g'alaba haqidagi fikrlari bilan o'rtoqlashdi.

«O'yin qiyin kechdi. Raqib ikkinchi bo'limda o'z o'yinini kuchaytirdi. Haqli g'alabaga erishdik. Ularda ham ikkita yaqqol golga tortadigan vaziyat bo'ldi.

Uchrashuvni beshta himoyachi bilan yakunladik, chunki, natijani saqlab qolishimiz kerak edi. G'alaba biz uchun juda muhim. Messi hal qiluvchi rolda o'ynadi.

Hali La Liga chempionligi uchun kurashdan chiqmadik. O'zimizga bo'lgan ishonchni oshirishimiz kerak», – dedi Kuman.

«Barselona» ayni paytda La Liganing 8-pog'onasida turibdi.