Ispaniya chempionatining 28-turidan o'rin olgan bahsda "Atletiko" o'z maydonida "Alaves"ni qabul qilib, kichik hisobda g'alaba qozondi. Uchrashuvdagi yagona gol Luis Suares hisobiga yozildi. Mazkur gol urugvaylik futbolchi faoliyatidagi 500-gol bo'ldi.Suares La liganing joriy mavsumida 19ta gol bilan to'purarlar ro'yxatida Messidan keyin ikkinchi pog'onada bormoqda.