Kataloniyaning "Barselona" klubi himoyachisi Erik Garsiya yozgi transferlar vaqtida klubini o'zgartirishi mumkin. Bu haqda Todofichajes portali jurnalistlari xabar bermoqda.

Manbaga ko'ra, futbolchida faoliyatini davom ettirish uchun bir necha variant bor. Garsiyaga Leverkuzenning "Bayer", Italiyaning "Komo" hamda Ispaniyaning ikki klubi - "Real Sosedad" va "Jirona" qiziqish bildirmoqda.

"Barselona" himoyachi uchun taxminan 20 million evro to'lashsa, u bilan xayrlashishga tayyor.

Ispaniya chempionatining joriy mavsumida Garsiya "ko'k-anorranglilar" safida 28 ta o'yin o'tkazdi. Erik ikkita gol urdi, uchta golli uzatmani amalga oshirdi va to'rtta sariq kartochka oldi.