Kataloniyaning «Barselona» jamoasi himoyachisi Ronald Arauxo «ko'k-anorranglilar» bilan yangi, uzoq muddatli shartnoma imzolashni rejalashtirmoqda. Bu haqda Twitter orqali jurnalist Nikolo Shkira ma'lum qildi.

Insayderning so'zlariga ko'ra, tomonlar yaqin vaqt ichida yangi shartnoma bo'yicha muzokara olib borishadi.

Eslatib o'tamiz, 22 yoshli urugvaylik futbolchining kataloniyaliklar bilan amaldagi shartnomasi 2023 yil o'rtalariga qadar mo'ljallangan.

Ma'lumot uchun, Ispaniya chempionatining joriy mavsumida Ronald 17 o'yinda 1 gol va 1 assist qayd etishga muvaffaq bo'lgan.