"Barselona" himoyachisi Jordi Alba ertaga "Espanol"ga qarshi Kataloniya derbisidan oldingi fikrlari bilan o'rtoqlashdi. Eslatib o'tamiz, ayni damda Xavi Ernandes jamoasi Ispaniya chempionatida peshqadamlik qilmoqda.

"Espanol"ga qarshi derbi "Barselona" uchun o'ziga xos o'yin. Jamoada uzoq vaqtdan beri o'ynayotgan o'yinchilar bu o'yinni butunlay boshqacha qabul qiladilar", - deydi Alba.

Jordining "Barselona" bilan shartnomasi keyingi mavsum oxirida tugaydi. Oldinroq ispaniyalik yozda jamoani tark etishi mumkinligi haqida xabarlar tarqalgan edi.