"Barselona" bosh murabbiyi Xavi Ernandes "Real Sosedad" yarim himoyachisi Martin Subimendini kelasi yozda jamoaga olib kelishni istamoqda.

Sport.es xabariga ko'ra, "ko'k-anorranglilar" murabbiyi yarim himoyachini mavsum oxirida "Kamp Nou"ni tark etishi mumkin bo'lgan Serxio Busketsning o'rniga ideal o'rinbosar sifatida ko'rmoqda.

Manbaga ko'ra, "Barselona" rahbariyati Subimendi nomzodi borasida Xavining fikriga qo'shilmaydi. Klubning fikricha, eng yaxshi variant "Vulverxempton"dan Ruben Neveshning transferi bo'ladi.