Dortmundning "Borussiya" klubi hujumchisi Yussuf Mukokoning klub bilan bo'lajak shartnoma borasidagi talablari ma'lum bo'ldi.

Sky Sports jurnalisti Sven Vestershulze xabariga ko'ra, hujumchi nemis klubidan yangi mehnat shartnomasini imzolash uchun o'n million evro so'ramoqda. Qayd etilishicha, Mukoko katta maosh ham talab qiladi. Bu omillar "Borussiya" rahbariyati bilan muzokaralar jarayonini murakkablashtirishi mumkin.

18 yoshli futbolchi joriy mavsumda barcha musobaqalarda 22 ta o'yinda maydonga tushib, 6 ta gol urdi va 6 ta golli uzatmani amalga oshirdi. Mukokoning dortmundliklar bilan shartnomasi 2023 yilning yozida yakuniga etadi.