"Barselona" ayollar jamoasi jahon rekordini o'rnatdi. CNN ma'lumotlariga ko'ra, ular milliy chempionatda ketma-ket 50 ta g'alaba qozongan futbol tarixidagi birinchi jamoa bo'ldi.

25 yanvar kuni “Barselona” ayollar jamoasi “Las-Palmas” ustidan 5:0 hisobida g'alaba qozondi.

Kataloniyalik futbolchilarning so'nggi mag'lubiyati 2021 yilning iyuniga to'g'ri keladi. O'shanda ular "Atletiko Madrid"ga 3:4 hisobida yutqazishgan edi. Shundan so'ng "Barselona" 247 ta gol urgan va 19 ta gol o'tkazib yuborganligi bilan rekord o'rnatgan.