Belgiya terma jamoasi va "Lester" yarim himoyachisi Yuri Tilemans Angliya Premer-ligasini Ispaniya chempionatiga o'zgartirishi mumkin.

Fichajes nashri xabar berishicha, 25 yoshli futbolchiga "Barselona" qiziqish bildirmoqda.

“Ko'k-anorranglilar” Tilemansni yozgi transfer oynasida erkin agentga aylanganidan so'ng, o'z safiga qo'shib olmoqchi. Futbolchining "tulkilar" bilan amaldagi shartnomasi iyun oyi oxirida tugaydi.

Yarim himoyachi joriy mavsum Angliya Premer-ligasida 23 ta o'yinda maydonga tushib, 3 ta gol (bittasi penaltidan) va bitta golli uzatmani amalga oshirdi.