«Barselona» yarim himoyachisi Frenki de Yong Kataloniya jamoasining uy stadioni rekonstruktsiya qilinishi haqida gapirdi.

«Umid qilamanki, yangi «Kamp Nou»da yangi kayfiyatda o'ynay olaman. «Barselona» mening orzuimdagi klub, men bu erda uzoq yillar qolishni istardim.

Menimcha, stadion aql bovar qilmas darajada qulay bo'lishi kerak. Loyiha ancha saviyali ko'rinadi», - deya de Yongning so'zlarini keltiradi italiyalik jurnalist Fabritsio Romano.

«Barselona» 2021 yilda stadionni rekonstruktsiya qilishni boshlagandi. Keyinroq OAV rahbariyat iqtisodiyotdagi inqiroz tufayli loyihani to'xtatishga qaror qilgani haqida xabar tarqatdi.

Oldinroq stadionni rekonstruktsiya qilish 2025 yil oxirigacha yakunlanishi kerakligi xabar qilingandi.