Himoyachi Erik Garsiya "Barselona"dan "Sevilya"ga o'tishi mumkin. Bu haqda Todofichajes nashri xabar bermoqda.

Manbaga ko'ra, Kataloniya va Andalusiya klublari o'rtasida aloqalar allaqachon yo'lga qo'yilgan. Gap futbolchining ijarasi haqida ketmoqda.

Qayd etilishicha, “Barselona” Erik Garsiyani qo'yib yuborishga tayyor, lekin futbolchining o'zi esa kelajagi borasida hali yakuniy qarorga kelgani yo'q.

Erik Garsiya "Barselona"ning asosiy tarkibida mustahkam o'yinchi emas. 2022/2023 yilgi mavsumda himoyachi 21 ta o'yin o'tkazib, bitta gol urdi va ikkita golli uzatmani amalga oshirgan. Transfermarkt portali ekspertlari 22 yoshli Garsiyani 12 million evroga baholamoqda.