Lionel Messining transferi mavzusi muntazam ravishda jahon OAV e'tiborida. 2023 yilning 30 iyunida argentinalik futbolchining PSJ bilan shartnomasi tugaydi. Ayni paytda uning uzaytirilishi aniq emas.

Shu bois ham jahon chempionining “Barselona”ga qaytishi haqida gap-so'zlar kam emas. Biroq bu mavzuni amalga oshirish La Liganing cheklangan moliyaviy qoidalari tufayli qiyin bo'lishi mumkin – afsonaviy futbolchini ro'yxatdan o'tkazish uchun "Barselona" bir qator shartlarni bajarishi kerak bo'ladi.

La Liga rahbari Xaver Tebas bu boradagi pozitsiyasini o'zgartirmagan. Maxsus yig'ilishda u qoidalarda istisno qilmasligini e'lon qildi.