"Barselona" sport direktori Deku "Fenerbaxche" yarim himoyachisi Arda Gyuler bilan jamoaga o'tish borasida printsipial kelishuvga erishdi. Bu haqda jurnalist Jerar Romero xabar bermoqda.

Moliyaviy muammolar tufayli "Barselona" futbolchini joriy transfer oynasida qo'lga kirita olmaydi, shu bois transferni 2024 yilga belgilagan. Klub kelasi hafta "Fenerbaxche" bilan muzokaralarga tayyor bo'lish uchun moliyaviy masalalar ustida ishlamoqda.

Avvalroq Gyuler Deku bilan uchrashuvdan unchalik taassurot qoldirmagani va Madridning "Real" klubida o'ynashni xohlayotgani haqida xabar berilgandi. 18 yoshli futbolchi o'z avlodining eng istiqbolli iste'dodlaridan biri sifatida e'tirof etilgan va ko'plab top-klublar uni sotib olmoqchi.