Portugaliyalik sobiq futbolchi Deku "Barselona"ning sport direktori bo'ladi. Sport.es xabariga ko'ra, 45 yoshli mutaxassisning ushbu lavozimga tayinlanishi kataloniyaliklar tomonidan chorshanba kuni e'lon qilinadi.

Ta'kidlanishicha, Deku "Barselona"da bir muddat jamoani rejalashtirish ustida ishlagan.

"Barselona" La Liganing birinchi turida "Xetafe" bilan durang o'ynadi - 0:0. Xavi shogirdlari navbatdagi o'yinni 20 avgust kuni o'z maydonida "Kadis"ga qarshi o'tkazadi.