"Barselona" yozda "Vilyarreal"dan o'ng qanot himoyachisi Xuan Foitni sotib olmaydi. Jurnalist Jerar Romeroning so'zlariga ko'ra, "ko'k-anorranglilar" sport direktori Mateu Alemani yaqinda "Vilyarreal" vakillari bilan muzokara o'tkazish uchun Valensiyaga borgan.

Manbaga ko'ra, yig'ilishda "sariq suv osti kemasi" Alemaniga aniq shartlarni aytgan: yo 54 million evro tovon to'lash, yoki ketish. "Barselona" sport direktori muzokaralarni tugatishga majbur bo'ldi, chunki jamoada transfer uchun bunday pul yo'q.