"Barselona" hujumchilari Ansu Fati va Ferran Torres yana bir bor Kataloniya jamoasini tark etishdan bosh tortishdi. Rahbariyat bu futbolchilarni sotmoqchi, ammo buning amalga oshishi dargumon.

Sport.es xabariga ko'ra, "Barselona" rahbariyati yaqinda yana Fati va Torresga murojaat qilgan. Klub vakillari futbolchilarga ularning ketishi zarur futbolchilarning transferini moliyalashtirishga yordam berishini tushuntirishgan, biroq Ansu va Ferran rahbariyat iltimosini yana rad etishgan.

Fati va Torres "Barselona"da qolib, jamoaga munosib ekanliklarini isbotlamoqchi.