Bilbaoning "Atletik" klubi hujumchisi Niko Uilyamsga Angliya premer-ligasining to'rtta klubi qiziqish bildirmoqda. 90min ma'lumotlariga ko'ra, ispaniyalik futbolchi "Tottenxem", "Arsenal", "Liverpul" va "Aston Villa" kabi jamoalarning radarida.

Eslatib o'tamiz, 21 yoshli Uilyams hozirda Bilbaoning “Atletik” klubi bilan shartnomasini uzaytirishga juda yaqin turibdi. Shu bilan birga, yangi kelishuv 50 million evro miqdoridagi tovon pulini ham o'z ichiga oladi.

Avvalroq, Uilyamsga "Barselona" ham qiziqayotgan edi. Joriy mavsumda Niko Ispaniya chempionatida 7 ta o'yin o'tkazib, 4 ta golli uzatmani amalga oshirdi.