"Barselona"ning sobiq himoyachisi Dani Alves yana klubning rasmiy internet portalidagi afsonalar ro'yxatida paydo bo'ldi. U erda klubning afsonasiga aylangan barcha futbolchilari ro'yxatga olingan.

Seshanba kuni ertalab Alvesning ro'yxatdan chetlatilishi haqida xabarlar paydo bo'ldi. Bundan bir necha kun oldin esa braziliyalik sobiq futbolchi zo'rlashga urunish uchun qamoq jazosiga hukm qilingan edi.

Eslatib o'tamiz, Alves "Barsa"da faoliyatidagi eng yaxshi yillarni o'tkazgan. U 2008 yildan 2016 yilgacha va yana 2021-2022 yillarda kataloniyaliklar safida o'ynagan va klub safida 400 dan ortiq o'yin o'tkazgan.