"Barselona" bosh murabbiyi Xavi Ispaniya chempionatining 27-turi doirasidagi "Atletik" bilan o'yindan (0:0) so'ng yarim himoyachilar Frenki de Yong va Pedrining jarohatlari haqida fikr bildirdi.

"Ikki muhim futbolchining jarohat olgani achinarli. Ular unchalik yaxshi ko'rinmayapti. Bu yo'qotishlar jamoaga o'z ta'sirini o'tkazdi. Gap jiddiy jarohatlar haqida ketyapti. Biz xafamiz, chunki de Yong va Pedri biroz vaqt o'tkazib yuborishi mumkin", - dedi Xavi Marca bilan suhbatda.

Eslatib o'tamiz, "Atletik" bilan o'yinning birinchi bo'limida "Barselona"ning niderlandiyalik yarim himoyachisi Frenki de Yong va ispaniyalik yarim himoyachi Pedri jarohati sabab ketma-ket maydonni tark etgandi.