Kataloniyaning «Barselona» klubi bosh murabbiyi Ronald Kuman jamoaning joriy mavsumdagi o'yinlariga baho berdi.

«Umumiy qilib aytganda, qayd etilgan natijalardan qoniqmaymiz. Haqqimiz yo'q joyda ham ochkolarni boy berdik. Lekin jamoaning qanday ishlayotganiga ham qarash kerak.

Kuni kecha qiyin o'yinda muhim bo'lgan ochkoni qo'lga kiritdik («Barselona» «Levante»ni 1:0 hisobida mag'lub etdi – tahririyat). Ozroq kamchiliklar ko'zga tashlandi, lekin o'yinga bo'lgan munosabat yuqori dajarada edi.

Qanday vaziyatda turganimizni bilamiz: qolgan o'yinlarning barchasida g'alaba qozonishimiz kerak. Ertangi o'yinda biz o'z irodamizni namoyish etishimiz kerak», – dedi Kuman.