"Atletiko Madrid" markaziy himoyachisi Xose Ximenes bo'lajak muhim o'yinlarda jamoasiga yordam bermaydi.

Urugvaylik futbolchi Chempionlar ligasi 1/8 finalining "Inter"ga qarshi birinchi o'yinida (0:1 mag'lubiyat) tanaffusda almashtirildi va mushaklardagi muammolar tufayli keyingi uchta o'yinni o'tkazib yubordi. Marca xabariga ko'ra, 29 yoshli markaziy himoyachi yaqin orada safga qaytmaydi - u "Inter" bilan javob o'yiniga (13 mart) vaqtida tiklanishga ulgurmaydi, shuningdek, La Liga doirasidagi "Barselona" bilan o'yinni ham (17 mart) o'tkazib yuboradi.

"Atletiko" Ispaniya chempionati turnir jadvalida 27 turdan keyin uchinchi o'rindagi "Barselona"dan 3 ochko ortda qolib, to'rtinchi o'rinni egallab turibdi.