Italiyada A Seriyaning yigirma sakkizinchi tur uchrashuvlari boshlandi, "Napoli" "Torino" bilan uchrashdi, o'yin durang bilan yakunlandi(1:1).

Bu amaldagi Italiya chempionlari uchun ketma-ket oltinchi o'yin bo'ldi va ular mag'lubiyatga uchramadi. Gap, albatta, barcha turnirlar, jumladan, Chempionlar ligasidagi o'yinlar ya'ni “Barselona” bilan 1/8 finalning birinchi o'yinidagi durang haqida bormoqda.

Olti uchrashuvda “Napoli” ikki marta g'alaba qozongan va to'rtta durang qayd etgan. O'z-o'zidan kamtarona bo'lgan ushbu seriya klub uchun joriy mavsumdagi eng yaxshisi.