Klublar futboli ikki haftalik tanaffusan so'ng qaytmoqda va oddiy tarzda emas, balki super to'qnashuvlari bilan. Keling, dam olish kunlari bizni qanday uchrashuvlar kutayotganini to'xtalib o'tamiz.

Shanba. 30 mart

“Napoli” “Atalanta”ni mag'lub etsa, chempionlar ligasi poygasiga qaytadi

Bergamoliklar bu o'yinda mag'lub bo'lishsa ham ularni musobaqada saqlab qoladigan zaxiraga ega. Neapolliklar bunga ega emaslar. Kalzona umidni tikladi. Ammo biz taxmin qilamizki, "Bolonya" va "Roma" o'z o'yinlarini oladi. "Napoli"ni faqat g'alaba qoniqtiradi

Uchrashuv Toshkent vaqti bilan 16:30'da start oladi.

Bayer “Bayer”ga qarshi

"Xoffenxaym" hujumchisi Maksimilian Bayer yozda "Bayer"ga o'tishi mumkinligi haqida mish-mishlar paydo bo'ldi. Bayer 21 yoshda, u Bundesligada debyut mavsumini o'tkazmoqda, 26 turda 12 gol urdi. “Bayer" to'qnash kelgan o'yinda Bayer vaziyatni qiyinlashtira olishini taxmin qilish qiyin.

Uchrashuv Toshkent vaqti bilan 19:30da start oladi.

Anti-Allegri Allegriga qarshi

Rimliklarning Sarri bilan emas, Tudor bilan birinchi o'yini. Biz bu o'yinda “Latsio”ning 3-4-2-1 ga o'tishni va har bir turinlik uchun shaxsiy yondashuvni kutmoqdamiz. Immobile va Albertodan ijodiy o'yin kutsa bo'ladi.

Uchrashuv Toshkent vaqti bilan 22:00da start oladi.

DerKlassiker har qachongidek qiziq bo'lmasligi mumkin

"Bavariya" va Dortmundning ikkinchi davrada to'qnash kelganida ulardan hech biri birinchi pog'onada bo'lmagan o'yindan 14 yildan ko'proq vaqt o'tdi. O'sha vaqtda ham ularning hech biri chempionatda birinchi jamoa bo'lmagan. Mana biz 2023/24 yilgi mavsum, 27-tur o'yinuda shunaqa voqea guvohiga aylanamiz.

So'nggi to'qnashuvlarda "Bavariya" ustunlik qilgan, ayniqsa "Alyans Arena"dagi vaziyat juda og'ir. Ketma-ket ettita g'alaba, jumladan 6:0, 5:0, 4:0. Ayniqsa, 2024 yilda jamoaning eng yaxshi o'yinchilaridan biri Marsel Sabitserning diskvalifikatsiyasi tufayli jamoaga yordam bermasligi dortmundliklar uchun qiyin bo'ladi.

Uchrashuv Toshkent vaqti bilan 22:30da start oladi.

“Barsa” “Barsa” uchun yaratilgan murabbiyga qarshi

"Las-Palmas" Xavi davridagi "Barsa"dan ko'ra klassik "Barsa"ga o'xshaydi. Ularning uyg'unligi bir xil uslubning turli talqinlarining to'qnashuvidir.

"Las-Palmas"ning bosh qahramoni murabbiy Xaver Pimientadir. U Kroyffning g'oyalari bilan singib ketgan: u 20 yilni "Barsa" tizimida o'tkazdi, barcha yoshlar toifalari bilan ishladi va 2020 yilda u Kike Seten iste'foga chiqqanidan keyin jamoani boshqarishi mumkin edi, ammo kataloniyaliklar tavakkal qilishni xohlamadilar.

Uchrashuv Toshkent vaqti bilan 01:00da start oladi.

Yakshanba. 31 mart

Klopp De Dzerbi ustidan birinchi g'alabasini kutmoqda

Aftidan, Xabi Alonso "Liverpul"dan voz kechib, "Bayer"da qoladi. Kloppning o'rniga da'vogarlar bittaga kamaydi. Ulardan biri Roberto De Dzerbi, u hafta oxirida "Enfild"ga keladi.

Kloppning italiyalik bilan munosabatlari muvaffaqiyatsiz yakunlangan. To'rtta o'zaro o'yinda "Brayton" jamoasiga qarshi birorta ham g'alaba qozonmagan. Har birida “Liverpul” aniq daqiqalarda mag'lub bo'ldi. Yurgen har bir o'yinda muammolarni taktika orqali to'g'irlashga urindi: goh tarkibni o'zgartirdi, goh pragmatik rejimga o'tdi, goh tanaffusda almashtirishlarni amalga oshirdi.

Hozir birinchi g'alaba uchun ideal vaqt. Birinchidan, vaziyat shunga qarab ketyapti, "Liverpul" yutsa, chempionatda yana peshqadam bo'lishi mumkin. Ikkinchidan, "Brayton"ning muhim futbolchilari jarohat olishgan. De Dzerbi qo'l ostida "Liverpul" darvozasiga 10 ta goldan 6 tasini tashkil qilgan Mitoma va March o'ynamaydi.

Uchrashuv Toshkent vaqti bilan 18:00da start oladi.

Jarohatlar Gvardiolaning taktikasiga qanday ta'sir qiladi?

"Man Siti" jarohat tufayli Kayl Uoker va Jon Stounsni yo'qotdi. Manuel Akanji va Edersonning ishtiroki ham so'roq ostida.

"Arsenal"ga qarshi muhim o'yinda Gvardiola tarkibni o'zgartirish bo'yicha asosiy o'yinchisiz (Stouns) va, ehtimol, tez-tez almashtirilmasdan (Akanji) qoldi. Pepning birinchi hujum bosqichi eng dasturlashtirilgan bo'lishiga qaramay, jarohatlarning muhim qismi himoya chizig'ida to'plangan. Ko'rinishidan, rejalar tezda qayta ko'rib chiqilishi kerak.

Mikel Artetaning munosabati ham qiziq. Umuman olganda, "Etihad"dagi o'yin pragmatizmni kuchaytirishni talab qiladi, ammo endi maksimal bosimni yoqish mantiqiydir? "Arsenal" buni qila oladi.

Uchrashuv Toshkent vaqti bilan 20:30da start oladi.

"Marsel" jonlangandek ko'rinadi, ammo "PSJ"ga qarshi o'yinda imkoniyat kam

Gattuzo chetlatilgach, “Marsel” 4:1, 5:1 va 4:0 hisobida ketma-ket besh marta g'alaba qozondi. Endi esa barcha musobaqalarda qatorasiga 24 o'yinda mag'lub bo'lmagan “PSJ” ularni kutib turibdi.

Vaziyatni “PSJ”dagi o'nga yaqin jarohatlanganlar ro'yxati buzmoqda. "Velodrom" yonishi aniq.

Uchrashuv Toshkent vaqti bilan 00:00da start oladi.

"Real"ni faqat Ernesto Valverde to'xtata oladi

Madrid terma jamoa yig'inlari oldidan biroz sekinlashdi. Va mavsumning eng muhim qismi oldinda. "Man Siti" bilan o'yinlarga "Atletik" bilan uchrashuv ajoyib tayyorgarlik vazifasini o'taydi.

Vaziyat shundayki, faqat Ernesto Valverde Xaviga chempionlik uchun kurashda yordam bera oladi. "Atletik" - "Real" hali o'ynamagan "Barsa"dan tashqari oxirgi jiddiy raqib. Anchelotti tezda La Liga bilan bog'liq masalani yopib, bor e'tiborini Chempionlar ligasiga qaratishi kerak.

Uchrashuv Toshkent vaqti bilan 00:00da start oladi.