"Barselona" klubi prezidenti Joan Laporta Xavi Ernandesni jamoa bosh murabbiyi sifatida qolishga ishontirish uchun barcha imkoniyatlarni ishga solmoqda.

Jurnalist Fabritsio Romanoning xabariga ko'ra, ispaniyalik mutaxassis o'ylashga vaqt ajratgan. Manbada aytilishicha, Xavi va Laporta o'rtasidagi munosabatlar hali ham ajoyib. Bu Ernandesga ketish haqidagi fikrini o'zgartirishi va kamida yana bir mavsum qolishiga ta'sir qilishi mumkin.

Ayni damda Xavi bor etiborini Ispaniya chempionati va Chempionlar ligasidagi bo'lajak o'yinlarga qaratmoqchi. "Barselona" tez orada evrokubokning chorak finalida "PSJ" bilan to'qnash keladi.