Angliya Premer-ligasidagi mavjud vaziyatdan so'ng Ispaniya va Italiya chempionatlaridagi holatga ham to'xtalib o'tamiz.

Ispaniya Primerasi

Nima ma'lum:

"Barselona" - chempion;

"Barsa", "Atletiko" va "Real Madrid" Chempionlar Ligasida o'ynaydi;

"Real Sosedad" va "Vilyarreal" Evropa musobaqalarida o'ynaydi;

“Elche” Segundaga tushib ketdi.

Diego Simeone shogirdlari so'nggi o'yin davomida 3:0 hisobida oldinda bo'lgan bo'lsa-da, “Espanol” bilan o'yin yakunida 3:3 hisobida durang o'ynab, “Real Madrid” “Atletiko”ni ikkinchi o'rindan tushirib yubordi. “Qirollik klubi” chempionat yakunlanishiga ikki tur qolganda raqibdan bir ochkoga oldinda. "Real Madrid"ni "Sevilya" va "Atletik" bilan o'yinlar kutmoqda. Madridning yana bir klubi esa “Real Sosedad” va “Vilyarreal”ga qarshi maydonga tushadi.

"Real Madrid" va "Atletiko" ikkinchi o'rin uchun kurashni davom ettirmoqda.

Birinchi raqamli intriga: Chempionlar ligasida kim o'ynaydi?

To'rtinchi o'rin taqdiri "Real Sosedad"ning qo'lida. Ular "Vilyarreal"dan besh ochkoga ilgarilab ketgan. Chempionat tugashiga ikki tur qolganda bunday ustunlikni qo'ldan boy berish g'alati holat bo'ladi. To'g'ri, San-Sebastyan klubining taqvimi oson emas: "Atletiko" va "Sevilya" bilan o'yinlar kutmoqda. "Vilyarreal" ham Simeone jamoasi bilan o'ynaydi, ammo bungacha "Rayo Valekano" bilan uchrashadi.

Ikkinchi raqamli intriga: ettinchi o'rinni kim egallaydi?

“Betis” amalda jadvalning oltinchi pog'onasini qo'lga kiritdi. Ettinchi o'rin va Konferentsiya ligasiga yo'llanma uchun shiddatli kurash boshlandi. “Jirona”, “Sevilya” va “Osasuna” ham ettinchi o'rin uchun kurashmoqda.

Uchinchi raqamli intriga: ligadan kimlar chiqib ketadi?

"Espanyol" eng yomon holatda. Kataloniya klubi "Atletiko" bilan o'yinda ajoyib "kambek" qildi, ammo baribir 35 ochko bilan 19-o'rinni tark etmadi. Birdaniga uchta jamoa 38 ochkodan to'plashgan: “Xetafe”, “Kadis” va “Valyadolid”. "Almeriya"da 39 ochko, "Valensiya" va "Selta"da 40 ochko mavjud. Bunday holatda quyidagi jamolardan hech birini chempionatda o'rnini saqlab qoladi deb aniq aytib bo'lmaydi.

Italiya A Seriyasi

Nima ma'lum:

“Napoli” – chempion;

"Latsio" Chempionlar ligasida o'ynaydi;

"Inter" Evropa musobaqalarida ishtirok etadi;

"Sampdoriya" va "Kremoneze" B seriyaga tushib ketishdi.

Birinchi raqamli intriga: Chempionlar Ligasi zonasiga kimlar kiradi?

"Yuventus"ga 10 ochkolik jarima belgilandi. Hozir Maks Allegri jamoasi ettinchi o'rinda, kuchli 4-likka kirish deyarli imkonsiz. Italiyadan Chempionlar ligasiga uchinchi yo'llanmani "Inter"(66 ochko) qo'lga kiritishi kerak. Buning uchun o'z uyida "Atalanta"ga yoki safarda "Torino"ga mag'lub bo'lmasa kifoya. Kuchli to'rtlikdan yana bir o'rin uchun “Milan” (64 ochko), “Atalanta” (61), “Roma” (60) va “Yuventus” (59) jamoalari kurashmoqda. "Qizil-qoralar"da eng yaxshi imkoniyat bor, lekin ko'p narsa "Milan"ning keyingi turda "Yuventus" bilan qanday o'ynashiga bog'liq. Chempionlar ligasiga chiqa olmagan jamoalar Evropaning boshqa musobaqalarida qatnashadi.

Ikkinchi raqamli intriga: B Seriyaga kimlar tushib ketadi?

“Lechche” (33 ochko), “Spetsiya” (31) va “Verona” (30) ular orasida elita divizionini tark etadigan jamoa nomi albatta, mavjud. Buni faqat so'nggi tur yakunida bilib olamiz.