"Barselona" yarim himoyachisi Ilkay Gyundogan joriy Chempionlar ligasida eng ko'p imkoniyat yaratgan futbolchilar ro'yxatini boshqarib turibdi.

Chorshanba kuni Xavi Ernandes shogirdlari mehmonda "PSJ" ustidan g'alaba qozonishdi (3:2) va Gyundogan uchrashuv qahramonlaridan biriga aylandi va golli uzatmani amalga oshirib, jamoadoshlariga to'rtta golli vaziyat yaratdi.

Squawka ta'kidlaganidek, ayni damda aynan germaniyalik yarim himoyachi zarbaga imkon beruvchi paslar soni bo'yicha Chempionlar ligasida peshqadamlik qilmoqda - 24.

Ikkinchi o'rinda "Atletiko"dan Antuan Grizmann (23), chorak final ishtirokchilari orasida uchinchi o'rinda Kilian Mbappe ( 19).