"Barselona" vingeri Lamin Yamal Chempionlar ligasining ikkita rekordini yangiladi.

"PSJ" bilan Chempionlar ligasi 1/4 finalining javob o'yini (1:1, tanaffus) Yamal uchun turnirdagi o'ninchi bo'ldi. Ispaniyalik bu ko'rsatkichga 16 yoshu 278 kunligida erishdi.

Lamin 17 yoshu 216 kunligida Chempionlar Ligasidagi 10-o'yinini o'tkazgan Yuri Tilemansning rekordini yangiladi.

Yamal ayni damda bo'lib o'tayotgan "PSJ"ga qarshi o'yinda Rafinyaga golli uzatma berdi. U Chempionlar ligasining pley-off bosqichida assistentlik qilgan eng yosh futbolchiga ham aylandi.