"Jirona"da ijara asosida o'ynayotgan markaziy himoyachi Erik Garsiya "Barselona"dagi vaziyat haqida gapirdi.

23 yoshli futbolchi avgust oyi oxirida Kataloniya klubidan bu viloyatning boshqa jamoasiga o'tgan edi.

Kelgusi yozda markaziy himoyachi o'zi tegishli bo'lgan "Barselona"ga qaytadi.

"Barselona" uchun mavsum qanday o'tmoqda? So'nggi bir necha hafta klub uchun qiyin bo'ldi - men uchun ham, chunki men uning bir qismi bo'lib qolaman.

"PSJ"ga qarshi o'yinda hammasi nazorat ostida edi, lekin futbolda ba'zida bunday holatlar sodir bo'ladi. Shunga qaramay, o'ylaymanki, "Barselona" so'nggi oylarda yaxshi ko'rinmoqda", - dedi Garsiya.