“Barselona” hujumchisi Rafinya “Manchester Yunayted”ga qarshi Evropa ligasi pley-off o'yinida zaxiraga olinganida qilgan jahli uchun uzr so'radi.

Braziliyalik vinger ikkinchi bo'lim oxirida almashtirildi, shundan so'ng u o'z noroziligini yashirmadi.

“Men uzr so'raganman va mashg'ulotlarda yana takrorlayman. O'zgartirishdan keyin o'z munosabatim uchun uzr so'rayman - bu boshqa takrorlanmaydi.

Menda Xavi yoki klub bilan hech qanday muammo yo'q, men shunchaki maydonda qolishni xohlardim", - deya braziliyalik futbolchining so'zlarini keltiradi Marca.

Evropa ligasi pley-off bosqichining javob o'yini “Manchester Yunayted” – “Barselona” 23 fevral kuni Manchester shahrida bo'lib o'tadi.