"Barselona" matbuot xizmati chorshanba kuni bir nechta suratlarni e'lon qildi. Ulardan birida Gavi va Klemen Langle tibbiy ko'rikdan oldin kutish zalida ko'rinish berdi.

Suratlardan birida Ansu Fati ham bor edi. Ijtimoiy tarmoqlarda muxlislar bu qanot hujumchisi yozda "Barselona"ni tark etmasligiga ishora deb hisoblashmoqda.

Aytish joizki, o'tgan mavsumda Ansu Fati "Brayton"da ijara asosida o'ynagandi. Nufuzli Transfermarkt portali mutaxassislari 21 yoshli vingerni 25 million evroga baholamoqda.