"Barselona" yarim himoyachisi Pedri Ispaniya chempionati yangi mavsumi boshlanishidan oldin jarohatidan forig' bo'lishi kutilmoqda.

Futbolchi Evro-2024 chorak finalida Germaniyaga qarshi o'yinda Toni Kroos bilan qattiq to'qnashuv natijasida jarohat olgandi. Ma'lum bo'lishicha, 21 yoshli yarim himoyachi Xans-Diter Flik qo'l ostidagi mavsumoldi dastlabki mashg'ulotlarini o'tkazib yuborishi kerak, ammo nemis murabbiyi La Liganing birinchi uchrashuvida muhim futbolchidan foydalanishi kutilmoqda. Bu haqda jurnalist Ferran Korreas xabar bermoqda.

Kataloniyaliklar chempionatdagi o'yinini "Valensiya"ga qarshi safar bilan boshlaydi. O'yin 17 avgust kuni bo'lib o'tadi.