"Barselona" yoshlar jamoasining ikki futbolchisi mavsumoldi tayyorgarlikning dastlabki kunlarida Xans-Diter Flikni hayratda qoldira oldi.

Gap 16 yoshli amakivachchalar Gile Fernandes va Toni Fernandes haqida ketmoqda. Birinchisi yarim himoyada o'ynaydi, ikkinchisi hujumchi. Jurnalist Aleks Pintanelning so'zlariga ko'ra, “Blaugrana” bosh murabbiyi Flik har ikki futbolchining mavsumoldi mashg'ulotlaridagi o'yinlaridan hayratda qolgan.

Albatta, Fernandeslar hali asosiy tarkibda maydonga tushmagan, Toni Kataloniya grandining o'rinbosarlar jamoasida ham o'ynamagan. Ikkalasi ham Ispaniya terma jamoasida 17 yoshgacha bo'lgan toifada harakat qilgan.

31 iyul kuni "Barselona" "Manchester Siti"ga qarshi o'rtoqlik uchrashuvi o'tkazadi.