"Barselona" darvozaboni Mark-Andre ter Shtegen sentyabr oyida jarohat olib mavsum yakunigacha safdan chiqqan edi. Xabarga ko'ra, yangi davolash usuli tufayli jarohatidan rejalashtirilganidan tezroq tiklanishi mumkin. Bu haqda Sport.es xabar bermoqda.

Manbaga ko'ra, germaniyalik darvozabon aprel yoki may oylarida mashg'ulotlarni qayta tiklashi mumkin. Ter Shtegen ildiz hujayralaridan foydalanishni o'z ichiga olgan da'volanishdan o'tmoqda. Bunday davolanishning narxi 13 ming evro.

Darvozabonning klub bilan amaldagi mehnat shartnomasi 2028 yilning yoziga qadar mo'ljallangan.