Ispaniya Qirollik futbol federatsiyasi va La Liga qo'shma bayonot berdi. Unda aytilishicha, "Barselona" yarim himoyachi Dani Olmo va hujumchi Pau Viktorni ro'yxatdan o'tkazish haqidagi arizasi rad etilgan.

Mundo Deportivo xabariga ko'ra, bundan keyin ham "Barselona" taslim bo'lish niyatida emas. Endi Kataloniya klubi sudga murojaat qiladi.

Dani Olmo va Pau Viktor ro'yxatdan o'tmagani uchun ular "Barselona" tarkibida barcha musobaqalarda, hatto xalqaro musobaqalarda ham o'ynay olmaydi.

Oldinroq matbuot Olmo agar ro'yxatdan o'tish jarayoni muvaffaqiyatsiz yakunlansa, "Barselona"ni erkin agent sifatida tark etishi mumkinligi haqida yozgan edi.